އިނގިރޭސިވިލާތުގައި މުސްލިމުންނާ ދެކޮޅަށް އެ ޤައުމުގެ އެކި ކަންކޮޅުތަކުގައި މުޒާހަރާކޮށް, ހަމަނުޖެހުން ހިންގަން ފަށައިފިއެވެ. ސައުތުޕޯޓްގެ އިތުރުން ލިވަރޕޫލާއި ވެރިރަށް ލަންޑަނުގައި ހިންގަމުންދާ ހަމަނުޖެހުންތައް އިންތިޒާމު ކޮށްފައި ވަނީ, ހިޖުރަ ކުރުމާއި މުސްލިމުންނާ ދެކޮޅު ޖަމާޢަތްތަކުނެވެ.
މުޒާހަރާ ކުރަން މެދުވެރިވި ސަބަބަކަށް ބުނާ ގޮތުގައި އެއީ ސައުތުޕޯޓުގައި ދިން ހަމަލާގައި ތިން ކުދިން މަރުވެ އަށް ކުޑަކުދިންނާއި ދެ މީހަކު ޒަޚަމްވުމުންނެވެ.
މި ހަމަލާގެ ތުހުމަތުގައި ހައްޔަރުކޮށްފައިވަނީ 17 އަހަރުގެ ފިރިހެނެކެވެ. އޭނާގެ މައްޗަށް ވަނީ މީހަކު މަރާލަން އުޅުމުގެ ދައުވާތަކާއި މަރާލަން މަސައްކަތް ކުރުމުގެ ދައުވާތަކެއްކޮށްފައެވެ.
ނަމަސް އެ މައްސަލައާ ގުޅިގެން ފުރަތަމަ ސޯޝަލް މީޑިއާގައި މައުލޫމާތު ދައުރުވީ ހަމަލާ ދިނީ މުސްލިމެއް ކަމަށް ބުނެއެވެ. އަދި މި މައުލޫމާތު ސައްހައެއް ނުވިއެވެ.
މުޒާހަރާތަކުގެ ބައިވެރިން ދަނީ އެ ރަށްތަކުގައި ހުންނަ މިސްކިތްތަކަށް ގައު އުކައި, ޙަމަލާ ދެމުންނެވެ. އަދި, ފުލުހުންނާ ކުރުމަތިލައި ހަމަނުޖެހުން ހިންގަމުންނެވެ. އަދި, ބައެއް ޢިމާރާތްތަކާއި އެއްގަމު އުޅަނދުފަހަރުގައި ހުޅުޖަހައި, ބޮޑެތި ގެއްލުންތަކެއް ދީފައިވެއެވެ. މުޒާހަރާތައް ކޮންޓްރޯލް ކުރަން އެ ރަށްތަކުގެ ފުލުހުން ދަނީ މަސައްކަތް ކުރަމުންނެވެ.
