މިއަދުގެ އަވަސް ދުނިޔޭގައި، މަސައްކަތާއި ކިޔެވުމާއި އިޖުތިމާޢީ ޒިންމާތަކުގެ ބޭނުންތަކުގެ ސަބަބުން ނިދުމުގެ މުހިންމުކަން އެހާ ބޮޑަކަށް ސަމާލުކަން ނުދެވެއެވެ. އެހެންނަމަވެސް، އަލަށް ކުރެވެމުންދާ ދިރާސާތަކުން ދައްކާގޮތުގައި މުޅި ހަށިގަނޑުގެ ސިއްހަތާއި އުމުރު ދިގުވުމުގައި ނިދުމުގެ މުހިންމު ދައުރެއް އަދާކުރެއެވެ. މި ގޮތުން 8 ގަޑިއިރު ނުނިދައިފިނަމަ އުމުރު ކުރުވާނެކަމަށް ބުނާ ވާހަކައަކީ ފަސޭހަކޮށް ދޫކޮށްލެވޭ ވާހަކައެއް ނަމަވެސް، ތަޖުރިބާކާރުން ބުނާގޮތުގައި 8 ގަޑިއިރު ނިދި ނުލިބުމުގެ ސަބަބުން ސިއްހަތަށް ވަރަށް ބޮޑެތި އަސަރުތަކެއް ކުރެއެވެ.
އެންމެ ފުރަތަމަ ކަމަކީ، އެންމެ ރަނގަޅު ސިއްހަތެއްގައި ހުރުމަށްޓަކައި ބޭނުންވާ ނިދުމުގެ މިންވަރު އެކި މީހުންނަށް ތަފާތުވެއެވެ. އާންމުކޮށް ބޮޑެތި މީހުންނަށް ރޭގަނޑަކު 7-9 ގަޑިއިރު ނިދުމަށް ލަފާދެވޭއިރު، ބައެއް މީހުންނަށް މިއަށްވުރެ ކުޑަކޮށް ނުވަތަ ގިނައިން ނިދުމުން ރަނގަޅުވެދާނެއެވެ. މި ތަފާތުވުން އަންނަނީ ޖެނެޓިކްސްއާއި، އުމުރާއި، ދިރިއުޅުމުގެ ގޮތާއި އަދި މުޅި ހަށިގަނޑުގެ ސިއްހަތުގެ ސަބަބުންނެވެ.
އާދަވެގެން 7 ގަޑިއިރަށްވުރެ މަދުން ނުވަތަ 9 ގަޑިއިރަށްވުރެ ގިނައިން ނިދުމުން ސިއްހަތަށް ގެއްލުންތަކެއް ލިބި، އުމުރަށް އަސަރު ކުރެދާނެއެވެ. ނިދުން 7 ގަޑިއިރަށް ވުރެ މަދުވުމުން ހިތުގެ ބަލިތަކާއި، ފަލަވުމާއި، ހަކުރު ބަލި ޖެހުމާއި، ހަށިގަނޑުގެ ދިފާޢީ ނިޒާމް ދެރަވުމާއި އަދި ކަންބޮޑުވުމާއި ނަފްސާނީ ބަލިތައް ޖެހުމުގެ ފުރުސަތު އިތުރުވެއެވެ.
ދިރާސާތަކުން ދައްކާގޮތުގައި މަދުން ނިދުމާއި (7 ގަޑިއިރަށް ވުރެ މަދުން) އަދި ގިނައިން ނިދުން (9 ގަޑިއިރަށް ވުރެ ގިނައިން) ސަބަބުން އިންސާނުން މަރުވުމުގެ ރޭޓު މަތިވުމާ ގުޅިފައިވެއެވެ. ނަމަވެސް، މި ގުޅުންތަކުގެ ފަހަތުގައިވާ ސީދާ މެކޭނިޒަމްތައް އަދިވެސް ދިރާސާކުރެވެމުންދެއެވެ.
ހަމައެކަނި ނިދާ ގަޑިއިރެއް ނޫނެވެ. ނިދުމުގެ ކޮލިޓީ ނުވަތަ ފެންވަރުވެސް މުހިންމެވެ. މިގޮތުން ނިދުމުން ލިބޭ ފައިދާތަކަށް ހުރަސް އެޅޭ ފަދަ އެހެނިހެން ސަބަބުތަކެއްވެއެވެ. (މިސާލަކަށް: ސްލީޕް އެޕްނިއާ، އިންސޮމްނިއާ)، ނިދުމުގެ ކުރިން ސާފްތާހިރުވުން، އަދި ނިދާ މާޙައުލު ސަބަބުން ލިބޭ ފައިދާތަކަށާއި އޭގެ ސަބަބުން ޞިއްޙަތަށް ކުރާ އަސަރުތަކަށް ވަރަށް މުހިންމު ދައުރެއް އަދާކުރާ ކަންކަމެވެ.
ނިދާ ވަގުތަކީ ދުޅަހެޔޮ ދިރިއުޅުމެއްގެ އެއް ބައެވެ. އަދި ހަމައެޔާއެކު ކެއުން، ޖިސްމާނީ ޙަރަކާތްތެރިކަން، ނަފްސާނީ ގޮންޖެހުންތަކާ ކުރިމަތިލުން، އަދި އެހެނިހެން ބަލިތައް ފަދަ ކަންކަމަކީވެސް މުޅި ޞިއްޙަތަށާއި އުމުރަށް ވަރަށް ބޮޑު އަސަރެއް ކުރާ ކަންކަމެވެ.
ހަމަ އެކަނި 8 ގަޑިއިރު ނުނިދުމުން އުމުރު ކުރުވާނެކަމުގެ ޚިޔާލަކީ މުޅިން ރަނގަޅު ޚިޔާލެއް ނޫނެވެ. ނަމަވެސް، އެކަށީގެންވާ ވަރަށް އަދި ރަނގަޅު ފެންވަރަކަށް ނިދުމުގެ މުހިންމުކަން ވަރަށް ބޮޑެވެ. އަމިއްލަ ނަފްސަށް ބޭނުންވާ ނިދުމުގެ މިންވަރު ދެނެގަތުމާއި، ރަނގަޅަށް ނިދުމުގެ އާދަތައް ދެމެހެއްޓުމާއި، އަދި ނިދުމާ ގުޅޭ މައްސަލަތަކާ ބެހޭގޮތުން ޞިއްޙީ ފަރުވާދޭ ފަރާތްތަކާ މަޝްވަރާކުރުމަކީ ޞިއްޙަތު ރަނގަޅުކޮށް އަދި އުމުރު ދިގުކުރުމަށް އެޅިދާނެ މުހިންމު ފިޔަވަޅުތަކެކެވެ.
